ಭಾರತದ ಮೊದಲ ಮಂಗಳಮುಖಿ ಎಸ್ಐ ಪ್ರೀತಿಕಾ ಯಾಶಿನಿ:*

ಧರ್ಮಪುರಿ: ಮಂಗಳಮುಖಿ ಕೆ.ಪ್ರೀತಿಕಾ ಯಾಶಿನಿ ಧರ್ಮಪುರಿ ಪೊಲೀಸ್ ಇಲಾಖೆಯಲ್ಲಿ ಎಸ್ಐ ಆಗಿ ನೇಮಕಗೊಂಡಿದ್ದಾರೆ. ಇವರು ಪೊಲೀಸ್ ಇಲಾಖೆಯಲ್ಲಿ ಸ್ಥಾನ ಪಡೆದಿರುವ ದೇಶದ ಮೊದಲ ಮಂಗಳಮುಖಿ. ಆದರೆ ಇದಕ್ಕಾಗಿ ಪ್ರೀತಿಕಾ ಬಹಳಷ್ಟು ಕಾನೂನು ಹೋರಾಟ ನಡೆಸಬೇಕಾಯಿತು.
ಕರ್ತವ್ಯಕ್ಕೆ ಹಾಜರಾದ ಮೊದಲ ದಿನ ಬಹಳ ಭಾವೋದ್ವೇಗಕ್ಕೆ ಒಳಗಾಗಿದ್ದೆ. ಹಿರಿಯ ಅಧಿಕಾರಿಗಳು ಮತ್ತು ಸಹೋದ್ಯೋಗಿಗಳು ನನಗೆ ಸಹಕಾರ ನೀಡಿದ್ದಾರೆ. ಒಂದು ವರ್ಷ ಪಡೆದ ತರಬೇತಿ ಕರ್ತವ್ಯ ನಿರ್ವಹಿಸುವುದಕ್ಕೆ ಬಹಳ ನೆರವಾಗಿದೆ ಎಂದು ಪ್ರೀತಿಕಾ ಹೇಳಿದ್ದಾರೆ.
ಚೆನ್ನೈ ಸಮೀಪದ ವಂಡಲೂರು ಪೊಲೀಸ್ ಅಕಾಡೆಮಿಯಲ್ಲಿ ತರಬೇತಿ ಪೂರ್ಣಗೊಳಿಸಿದ್ದಾರೆ. ಇವರು ಹುಟ್ಟಿನಿಂದ ಗಂಡಾಗಿದ್ದು, ಪ್ರದೀಪ್ ಕುಮಾರ್ ಆಗಿ ಬೆಳೆದವರು. ಪದವಿ ಪಡೆದ ಬಳಿಕ ಲಿಂಗ ಪರಿವರ್ತನೆ ಮಾಡಿಸಿಕೊಂಡು ಪ್ರೀತಿಕಾ ಆದರು. ಹೀಗಾಗಿ ಪೊಲೀಸ್ ಇಲಾಖೆಗೆ ಸೇರಬೇಕಾದರೆ ಬಹಳ ಸವಾಲುಗಳನ್ನು ಎದುರಿಸಬೇಕಾಯಿತು.
ಎಸ್ಐ ಪೋಸ್ಟ್ಗೆ ಪ್ರೀತಿಕಾ ಅರ್ಜಿ ಸಲ್ಲಿಸಿದಾಗ ತಿರಸ್ಕೃತಗೊಂಡಿತ್ತು. ಏಕೆಂದರೆ ಅರ್ಜಿಯಲ್ಲಿ ಮಹಿಳೆ, ಪುರುಷ ಎಂಬ ಎರಡೇ ವಿಭಾಗವಿತ್ತು. ಬಳಿಕ ಅವರು ಹೈಕೋರ್ಟ್ ಮೊರೆ ಹೋದರು. ಅಲ್ಲಿ ಅವರ ಪರವಾಗಿ ತೀರ್ಪು ಬಂತು. ಕಳೆದ ವರ್ಷ ಫೆಬ್ರವರಿಯಲ್ಲಿ ನೇಮಕ ಪತ್ರ ಲಭಿಸಿತ್ತು.
first transgender SI: K Prithika Yashini, who became the first transgender to become sub-inspector of police, joined the police service on Sunday in Dharmapuri.