Australia WC2015 CHAMPION ( Its 5th time)

5ನೇ ಬಾರಿ ಆಸೀಸ್ ವಿಶ್ವಚಾಂಪಿಯನ್

ಮೆಲ್ಬೋರ್ನ್: ಮೊದಲ ಬಾರಿ ವಿಶ್ವಕಪ್ ಫೈನಲ್ ಪ್ರವೇಶಿಸಿದ್ದ ನ್ಯೂಜಿಲೆಂಡ್ ವಿರುದ್ಧ ಸುಲಭ ಗೆಲುವು ದಾಖಲಿಸಿದ ಆಸ್ಟ್ರೇಲಿಯಾ 5 ನೇ ಬಾರಿಗೆ ವಿಶ್ವ ಚಾಂಪಿಯನ್ ಕಿರೀಟ ಮುಡಿಗೇರಿಸಿಕೊಂಡಿದೆ.

ಇದೇ ಮೊದಲ ಬಾರಿ ವಿಶ್ವಕಪ್ ಫೈನಲ್ ಪ್ರವೇಶಿಸಿದ್ದ ನ್ಯೂಜಿಲೆಂಡ್ ಆಸ್ಟ್ರೇಲಿಯಾದ ಸವಾಲನ್ನು ಮೆಟ್ಟಿ ನಿಲ್ಲಲು ಸಾಧ್ಯವಾಗಲಿಲ್ಲ. ಮೊದಲು ಬ್ಯಾಟ್ ಮಾಡಿ ಕೇವಲ 183 ರನ್ ಗಳಿಸಿದ್ದ ನ್ಯೂಜಿಲೆಂಡ್ ಆರಂಭದಲ್ಲೇ ಹಿನ್ನಡೆ ಅನುಭವಿಸಿತ್ತು. 183 ರನ್​ಗಳ ಸಾಧಾರಣ ಗುರಿ ಬೆನ್ನತ್ತಿದ ಆಸೀಸ್ 33.1 ಓವರ್​ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 186 ರನ್ ಗಳಿಸಿ ಗುರಿ ತಲುಪಿತು.

ಆಸ್ಟ್ರೇಲಿಯಾ ಪರ ನಾಯಕ ಮೈಕಲ್ ಕ್ಲಾರ್ಕ್ (74), ಡೇವಿಡ್ ವಾರ್ನರ್ (41), ಸ್ಟೀವನ್ ಸ್ಮಿತ್ (56*), ರನ್ ಗಳಿಸಿ ಆಸ್ಟ್ರೇಲಿಯಾಗೆ ಸುಲಭ ಗೆಲುವು ತಂದಿತ್ತರು. ನ್ಯೂಜಿಲೆಂಡ್ ಪರ ಮ್ಯಾಟ್ ಹೆನ್ರಿ 46 ಕ್ಕೆ 2, ಟ್ರೆಂಡ್ ಬೋಲ್ಟ್ 40 ಕ್ಕೆ 1 ವಿಕೆಟ್ ಪಡೆದರು.

ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ ತಂಡವು 45 ಓವರ್​ಗಳಲ್ಲಿ 183 ರನ್ ಗಳಿಗೆ ಆಲೌಟ್ ಆಯಿತು. ಪ್ರಭಾವಿ ಬೌಲಿಂಗ್ ದಾಳಿ ನಡೆಸಿದ ಆಸ್ಟ್ರೇಲಿಯ ಬೌಲರ್​ಗಳು ನ್ಯೂಜಿಲೆಂಡ್ ಪ್ರಮುಖ ಬ್ಯಾಟ್ಸ್​ಮನ್​ಗಳಿಗೆ ರನ್ ಗಳಿಸಲು ಅವಕಾಶ ನೀಡಲಿಲ್ಲ. ನ್ಯೂಜಿಲೆಂಡ್ ಪರ ಗ್ರಾಂಟ್ ಎಲೆಯೋಟ್ (83) ಮತ್ತು ರಾಸ್ ಟೇಲರ್ (40) ಮಾತ್ರ ಆಸ್ಟ್ರೇಲಿಯಾ ಬೌಲರ್​ಗಳನ್ನು ಸಮರ್ಥವಾಗಿ ಎದುರಿಸಿ ರನ್ ಗಳಿಸಿದರು. ಉಳಿದಂತೆ ಗುಪ್ಟಿಲ್, ಮೆಕಲಮ್ ಕೋರಿ ಆಂಡರ್​ಸನ್, ಕೇನ್ ವಿಲಿಯಮ್ಸ್ ಸಂಪೂರ್ಣ ವೈಫಲ್ಯ ಅನುಭವಿಸಿದರು.

ಆಸ್ಟ್ರೇಲಿಯಾ ಪರ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಮಿಷಲ್ ಜಾನ್ಸನ್ 30 ಕ್ಕೆ 3, ಜೇಮ್ಸ್ ಫಾಲ್ಕನರ್ 36 ಕ್ಕೆ 3, ಮಿಷೆಲ್ ಸ್ಟಾರ್ಕ್ 20 ಕ್ಕೆ 2, ಮ್ಯಾಕ್ಸವೆಲ್ 37 ಕ್ಕೆ 1 ವಿಕೆಟ್ ಪಡೆದರು.

ಸಂಕ್ಷಪ್ತ ಸ್ಕೋರ್: ನ್ಯೂಜಿಲೆಂಡ್ 45 ಓವರ್ 183 ಆಲೌಟ್ (ಗ್ರಾಂಟ್ ಎಲೆಯೋಟ್ 83, ರಾಸ್ ಟೇಲರ್ 40, ಮಿಷಲ್ ಜಾನ್ಸನ್ 30 ಕ್ಕೆ 3, ಜೇಮ್್ಸ ಫಾಲ್ಕನರ್ 36 ಕ್ಕೆ 3, ಮಿಷೆಲ್ ಸ್ಟಾರ್ಕ್ 20 ಕ್ಕೆ 2)

ಆಸ್ಟ್ರೇಲಿಯಾ 33.1 ಓವರ್ 3 ವಿಕೆಟ್ ನಷ್ಟಕ್ಕೆ 186 (ಮೈಕಲ್ ಕ್ಲಾರ್ಕ್ 74, ಸ್ಟೀವನ್ ಸ್ಮಿತ್ 56*, ಡೇವಿಡ್ ವಾರ್ನರ್ 41, ಮ್ಯಾಟ್ ಹೆನ್ರಿ 46 ಕ್ಕೆ 2, ಟ್ರೆಂಡ್ ಬೋಲ್ಟ್ 40 ಕ್ಕೆ 1)